ನಾ ನಂಬುವ ದೇವರು - ಹಳತು ಹೊನ್ನು

ಸದಾ ವಸಂತಂ ಹೃದಯಾರವಿಂದೆ
ಭವಂ ಭವಾನಿ ಸಹಿತಂ ನಮಾಮಿ!

ಪ್ರತಿಯೊಂದು ಹೃದಯದೊಳಗೆ ನೆಲೆಸಿರುವ
ಓ ದಿವ್ಯ ಸ್ತ್ರೀ-ಪುರುಷ ಶಕ್ತಿಯೆ
ನಿಮಗಿದೋ ನನ್ನ ವಂದನೆ!

ದೇವರು ಯಾವಾಗಲೂ ನಮ್ಮನ್ನೆಲ್ಲಾ ದುರುಗುಟ್ಟಿಕೊಂಡು ನೋಡುತ್ತಾ ಮೇಲೆ ಆಕಾಶದಲ್ಲೆಲ್ಲೋ ಕುಳಿತುಕೊಂಡಿಲ್ಲ. ದೇವರು ದೂರದಲ್ಲೆಲ್ಲೊ ಇರುವ ಸ್ವರ್ಗದಲ್ಲಿ ಸಿಂಹಾಸನದ ಮೇಲೆ ಕುಳಿತುಕೊಂಡಿಲ್ಲ. ಆಯ್ದ ಕಟ್ಟಳೆಗಳನ್ನು ನಮ್ಮ ಮೇಲೆ ಹೇರಲು ದೇವರೊಬ್ಬ ಸರ್ವಾಧಿಕಾರಿ ಅಥವಾ ಚಕ್ರವರ್ತಿಯಲ್ಲ.

ನನಗೆ ದೇವರ ಹೆಸರು ತಿಳಿದಿಲ್ಲ.
ನನಗೆ ದೇವರ ಬಣ್ಣ ಗೊತ್ತಿಲ್ಲ.
ನಾನು ದೇವರ ರೂಪ ಅರಿತಿಲ್ಲ.
ನನಗೆ ದೇವರ ಲಿಂಗ ಗೊತ್ತಿಲ್ಲ (ನನ್ನ ಗುರುಗಳು* ಹೇಳುವಂತೆ, ಒಬ್ಬ ಪುರುಷ 'ದೇವರು ಒಬ್ಬ ಪುರುಷ' ಎಂದು ನಂಬಬಹುದಾದರೆ, ಒಬ್ಬ ಮಹಿಳೆ 'ದೇವರು ಒಬ್ಬ ಮಹಿಳೆ' ಎಂದು ನಂಬಬಹುದು).
ನನಗೆ ದೇವರ ಜಾತಿ, ಮತ, ಭಾಷೆ, ಜನಾಂಗ, ದೇಶ, ಗುರುತು, ಇತ್ಯಾದಿ ಯಾವುದೂ ಗೊತ್ತಿಲ್ಲ.

ದೇವರು ಅಸ್ಥಿತ್ವದಲ್ಲಿ ಇರುವುದೇ ಆದರೆ, "ಅವರು ಯಾವುದೇ ಜಾತಿಗಳಿಗೆ ಮಿಗಿಲಾದವರು ಮತ್ತು ದೇವರು ಎಲ್ಲಾ ಮಿತಿಗಳನ್ನು ಮೀರಿದವರು" ಎಂಬುದಂತೂ ನಿಜ. ಮತ್ತು ನನ್ನ ಈ ದೇಹ ಸತ್ತ ನಂತರ ಕಾಣಿಸಿಕೊಂಡು ಸ್ವರ್ಗ ಅಥವಾ ನರಕಕ್ಕೆ ಕಳಿಸಲು ಆಕಾಶದಲ್ಲೇಲ್ಲೋ ಇರದೆ, ದೇವರು ಯಾವಾಗಲು ನನ್ನೊಳಗೇ ಇರುವರು. ಅಥವಾ ದೇವರ ಹೆಸರಲ್ಲಿ ಮಾಡಬಾರದ ಕೆಟ್ಟ ಕೆಲಸಗಳನ್ನೆಲ್ಲ ಮಾಡಿ ಸತ್ತ ನಂತರ ನನಗೆ ೭೨ ಕನ್ಯೆಯರನ್ನು ನೀಡಿ ಖುಷಿಪಡಿಸಲು ನನಗಾಗಿ ಕಾಯುತ್ತಾ ಆಕಾಶದಲ್ಲೆಲ್ಲೋ ಕುಳಿತುಕೊಂಡಿಲ್ಲ!

---

ನಾವೆಲ್ಲಾ ದೇವರು ಎಂದು ಕರೆಯುವುದು ನಮ್ಮದೇ ಉನ್ನತ ಸ್ಥರವಾಗಿರಬಹುದು.

ದೇವರು ಪ್ರತಿಯೊಂದು ಜೀವಕಣದಲ್ಲಿ ಇದ್ದಾರೆ!

ನಾ ನಂಬುವ ದೇವರು ನನ್ನೊಳಗೇ ಇದ್ದಾರೆ!

---

*        ಸದ್ಗುರುಗಳನ್ನು ನನ್ನ ಗುರುವಾಗಿ ನಾನು ಆಯ್ಕೆಮಾಡಿರುತ್ತೇನೆ. ಆದರೆ, ಇದರರ್ಥ ಸದ್ಗುರುಗಳೂ ನನ್ನನ್ನು ಅವರ ಶಿಷ್ಯ ಎಂದು ಸ್ವೀಕರಿಸಿರುತ್ತಾರೆ ಎಂದಲ್ಲ. ಕೆಲವು ಅಪೇಕ್ಷಿತ ಗೊಂದಲಗಳನ್ನು ತಪ್ಪಿಸಲು ಈ ವಿಷಯವನ್ನು ಈಗಲೇ ತಿಳಿಸುತ್ತಿದ್ದೇನೆ!

ನಿಮ್ಮ ಅನಿಸಿಕೆಯನ್ನು ನಾವು ಗೌರವಿಸುತ್ತೇವೆ!

ಆಂಗ್ಲದ ಆವೃತ್ತಿಯನ್ನು ಓದಿ
Read English article